भारतमा शनिबार एकै दिन दुईवटा लडाकु विमान दुर्घटनामा परेका छन् । शनिबार बिहान स्थानीय समयअनुसार सवा नौ बजे सुखोई ३० र मिराज २००० लडाकु विमानले ग्वालियर एयर वेसबाट उडान भरेको बताइएको छ ।

यी दुवै विमान उडेको केही मिनेटमै दुघर्टनामा परेको भारतीय सञ्चार माध्यमहरूले जनाएका छन् । सुखोई ३० विमानमा दुई पाइलट रहेको र दुवै जीवितै रहेको जनाइएको छ । उनीहरूको उपचार भइरहेको छ । उता मिराज २००० मा एक जना मात्र पाइलट रहेको र उनको मृत्यु भएको भारतीय एयर फोर्सले पुष्टि गरेको छ ।

सुखोई ३० विमान उडिरहेको बेला हावामै आगो लागेको बताइएको छ । उता मिराज २००० विमानबारे भने धेरै जानकारी दिइएको छैन । भारतीय सुरक्षा अधिकारीहरूले एकै दिन दुई दुर्घटना हुनुलाई असमान्य भनेका छन् ।

प्रकाशित समय : १५:३३ बजे