गृहपृष्ठ महाकाली नदीले बगाउँदा एक वृद्धाको मृत्यु
महाकाली नदीले बगाउँदा एक वृद्धाको मृत्यु
दार्चुलामा महाकाली नदीमा बगेर एक वृद्धाको ज्यान गएको छ ।
महाकाली नगरपालिका–४ बांगाबगर घर भएकी अन्दाजी ७० वर्षीया बिन्दा ऐतवालको नदीमा बगेर ज्यान गएको जिल्ला प्रहरी कार्यालय दार्चुलाका प्रवक्ता प्रहरी निरीक्षक गोविन्द्रप्रसाद भण्डारीले बताए ।
नदी किनारमा लुगा धुने क्रममा उनी चिप्लिएकी थिइन् । उनको शव भारतीय क्षेत्र डुमपानी भन्ने ठाउँमा फेला परेको हो ।
भारतीय प्रहरीले ढुंगाको बीचमा अड्किएको शव निकालेका थिए । मृतकको शव पोष्टमार्टम गरेर आफन्तको जिम्मा लगाइएको प्रहरीले जनाएको छ ।
प्रकाशित समय : ०६:४६ बजे
