वनमन्त्री चौधरीद्वारा हरित हाइड्रोजन र युरिया उत्पादनमा लगानी गर्न आग्रह
बलिउड अभिनेता विवेक ओवरायद्वारा अन्नपूर्ण केबुलकारको भ्रमण
वि.सं.२०७९ पुस ५ मंगलवार १३:२३
8.72K
shares
shares
बलिउड अभिनेता विवेक ओवरायले अन्नपूर्ण केबलकारको भ्रमण गरेका छन् । गत बुधबार नेपाल भ्रमणमा आएका अभिनेता ओवरायले आइतबार परिवारसहित केबलकारको भ्रमण गरेका हुन् ।
परिवारसहित पोखरामा रहेको अन्नपूर्ण केबरकारबाट सेदीदेखि साराङकाेटसम्म यात्रा गरेका हुन् । केबलकार यात्राको क्रममा देखिने पोखराका तालतलैया र अन्य मनोरम दृश्यहरुबाट अत्यन्त आनन्दको अनुभव भएको उनले सुनाए । अभिनेता ओवरायलाई अन्नपूर्ण केबरकारका बजार प्रबन्धक अरुण कोइरालाले केबलकारमा स्वागत गरेका थिए ।
करिब एक वर्षअघि पोखराको सेदीदेखि साराङकाेटसम्म सञ्चालनमा आएको अन्नपूर्ण केबलकार पोखरा आउने स्वदेशी तथा विदेशी पर्यटकहरुका लागि आकर्षक गन्तव्य बनेको छ । केबलकार बिहान ५ बजेदेखि साँझ साढे ५ बजेसम्म सञ्चालनमा रहने हुँदा साराङकाेटबाट सूर्याेदय हेर्न चाहने पर्यटकहरुका लागि समेत थप सहज भएको छ ।
