गृहपृष्ठ चितवनमा हारको प्रक्षेपणपछि ‘सेवर सट’को खोजी गरेका प्रचण्डलाई गोरखा दुईले जितायो

चितवनमा हारको प्रक्षेपणपछि ‘सेवर सट’को खोजी गरेका प्रचण्डलाई गोरखा दुईले जितायो

चितवनमा हारको प्रक्षेपणपछि ‘सेवर सट’को खोजी गरेका प्रचण्डलाई गोरखा दुईले जितायो

प्रतिनिधिसभा गोरखा क्षेत्र नम्बर २ मा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ भारी मतान्तरले विजयी भएका छन् । २६ हजार १ सय ३ मतसहित दाहाल विजयी बनेका हुन् ।

उनका निकटतम् प्रतिद्वन्द्वी राष्ट्रिय स्वतन्त्र पार्टीका कवीन्द्र बुर्लाकोटीले १२ हजार ६ सय ३७ मत ल्याएर पराजित बने । नेकपा एमालेका अब्दुस मिँयाले भने ७ हजार ३ सय ९३ मत प्राप्त गरेका छन् । दाहाल विजयी बने पनि निर्वाचन अधिकृतको कार्यालयले आधिकारिक घोषणा भने गरिसकेको छैन ।

गोरखा–२ मा ५४ हजार ३१ मत खसेको थियो । त्यसमध्ये ५० हजार ९ सय ७ सदर र ३ हजार १ सय २४ बदर भएको थियो ।

यसअघि चितवन ३ बाट चुनाव लड्दै आएका प्रचण्ड यसपाली गोरखा २ पुगेर चुनाव लडेका थिए । चितवनमा आफुले हार्ने पूर्वप्रक्षेपण प्रचण्डले गरेका थिए । राष्ट्रिय स्वतन्त्र पार्टीका सभापति रवि लामिछाने प्रचण्डसँग भिड्नकै लागि चितवन ३ गएका थिए । तर ‘सेवर सट’को खोजीमा रहेका प्रचण्ड अन्तिम समय गोरखा गएर निर्वाचित भए । यता प्रचण्ड गोरखा पुगेपछि चितवन २ बाट चुनाव लडेका लामिछाने भारी मतान्तरसहित विजयी हुँदैछन् ।

प्रचण्ड चौथो पटक विजयी

०६४ मा रोल्पा र काठमाडौं १० बाट विजयी भएका उनी ०७० मा सिरहा ५ बाट विजयी भएका थिए । ०७४ मा चितवनबाट निर्वाचित भएका प्रचचण्ड यसपटक गोरखा २ बाट विजयी भएका हुन् ।

प्रकाशित समय : ०८:३६ बजे

प्रतिक्रिया दिनुहोस्

सम्बन्धित शीर्षकहरु