आइसीसी टी-२० विश्वकपको फाइनलमा इंग्ल्यान्डले पाकिस्तानविरुद्ध टस जितेर फिल्डिङ गर्ने भएको छ । मेलबर्न क्रिकेट मैदानमा टस हारेको पाकिस्तानले सुरुवाती ब्याटिङ गर्ने भएको हो ।

इंग्ल्यान्डले सेमिफाइनलमा भारतलाई १० विकेटले हराएको थियो । पाकिस्तानले न्युजिल्यान्डलाई सात विकेटले हराउँदै फाइलनमा स्थान बनाएको हाे ।

बाबर आजमको कप्तानीमा रहेको पाकिस्तान दोस्रो पटक उपाधि जित्ने योजनामा रहेको छ । पाकिस्तानले सन् २००९ मा टी-२० विश्वकप क्रिकेटको उपाधि जितेको थियो ।

इंग्ल्यान्ड पनि दोस्रो पटक उपाधि जित्ने लक्ष्यमा रहेको छ । सन् २०१० को विजेता इंग्ल्यान्ड सन् २०१६ को फाइनलमा वेस्ट इन्डिजसँग निराश भएको थियो ।

प्लेइङ ११

इंग्ल्यान्ड – जस बटलर(कप्तान/विकेटकिपर), एलेक्स हेल्स, फिलिप साल्ट, बेन स्टोक्स, ह्यारी ब्रुक, लियाम लिभिङस्टोन, मोईन अली, साम करन, क्रिस जोर्डन, क्रिस वोक्स र आदिल राशिद ।

पाकिस्तान – मोहम्मद रिजवान (विकेटकिपर), बाबर आजम (कप्तान), मोहम्मद हरिस, शान मसुद, इफ्तिखार अहमद, शादब खान, मोहम्मद नवाज, मोहम्मद वासिम जुनियर, नसिम शाह, हरिस रौफ र शाहिन शाह अफ्रिदी ।