राष्ट्रिय वाणिज्य बैंकमा ३० वर्ष लामो अनुभव सँगालेका केशवप्रसाद लम्साल एनआइसी एशिया बैंकको सर्वसाधारण सेयरधनी समूहबाट सञ्चालकको रुपमा नियुक्त भएका छन् ।

बैंकको सञ्चालक समितिको आज बसेको ५७१औं बैंठकले आजैदेखि लागू हुने गरी लम्साललाई उक्त पदमा नियुक्त गरेको हो । नवनियुक्त सञ्चालक लम्सालले बैंकका सञ्चालक समितिका अध्यक्ष तुलसीराम अग्रवालबाट पद तथा गोपनीयताको सपथ ग्रहण समेत लिएका छन् ।

अर्थशास्त्र एवं बिजनेस एडमिनिस्ट्रेसनमा स्नातकोत्तरसम्म अध्ययन गरेका उनी राष्ट्रिय वाणिज्य बैंकमा विभिन्न विभागको नेतृत्व सम्हाल्दै नायब प्रमुख कार्यकारी अधिकृत पदबाट अवकाश भएका हुन् ।

प्रकाशित समय : १८:३७ बजे