राष्ट्रिय क्रिकेट टोलीका कप्तान सन्दीप लामिछानेलाई पक्राउ गर्न अदालतले अनुमति दिएको छ ।

बिहीबार प्रहरीको आग्रहमा जिल्ला अदालत काठमाडौँले पक्राउ पुर्जी जारी गरेको हो । १७ वर्षीया एक किशोरीले भदौ ५ गते राति आफूमाथि सन्दीपले बलात्कार गरेको भन्दै मंगलबार प्रहरी वृत्त गौशालामा उजुरी दिएकी थिइन् ।

राति ११ बजेर ५५ मिनेटमा सन्दीपले नाबालिगलाई एयरपोर्टस्थित होटल ‘काठमाडौँ इन’मा लगेर पटक–पटक बलात्कार गरेको पीडितको आरोप छ ।

घटनाबारे प्रहरी वृत गौशालाले अनुसन्धान गरिरहेको छ । होटल काठमाडौँ इनको सीसीटीभी फुटेज प्रहरीले संकलन गरिसकेको छ । जसमा सन्दीप किशोरीसँग देखिएका छन् । फुटेजमा उनीहरू राति ११ः४५ बजे होटल प्रवेश गरेको देखिएको छ । बिहान ६ः५५ मा दुवैजना सँगै बाहिर निस्किएको देखिएको छ ।

सन्दीप यतिबेला क्यारेबियन प्रिमियर लिग खेल्न वेस्ट इन्डिजमा छन् ।

प्रकाशित समय : १७:३० बजे