दाङको घोराहीमा चार दलद्वारा आह्वान गरिएको बन्दको मौका छोपी आफैँले चलाउँदै आएको टिप्परमा चालक र सहचालक मिलेर आगो लगाएका छन् ।

बिमा रकमको लोभमा परेर घोराही-लमही सडकखण्डको बबई खोला पुलमा रा १ ख १६९४ नम्बरको टिप्परमा आगो लगाइएको प्रहरीले जनाएको छ ।

जिल्ला प्रहरी प्रमुख एसपी सुरेश काफ्लेका अनुसार चालक अरुण चौधरी र सहचालक आकाश चौधरीले आफैँले चलाउँदै आएको टिप्परमा आगो लगाएका हुन् । बिहान गाडीमा आगजनी भएको देखेपछि चालक र सहचालकलाई नियन्त्रणमा लिइएको काफ्लेले जानकारी दिएका छन् । उनीहरूलाई नियन्त्रणमा लिएर थप अनुसन्धान भइरहेको छ ।

प्रकाशित समय : १२:०६ बजे