मानुषी लघुवित्त वित्तीय संस्था लिमिटेडले गत आर्थिक वर्षको चौथो त्रैमासम्मको वित्तीय विवरण सार्वजनिक गरेको छ ।

आर्थिक वर्षको असार मसान्तसम्ममा संस्थाले खुद नाफामा आकर्षक सुधार गरेको छ । लघुवित्तले सो अवधिसम्म २ करोड ४० लाख ३६ हजार रुपैयाँ खुद नाफा आर्जन गर्न सफल भएको छ । यो नाफा अघिल्लो आर्थिक वर्षको तुलनामा १०१.९१ प्रतिशतले बढी हो । अघिल्लो आर्थिक वर्षको यसै अवधिसम्म लघुवित्तले १ करोड १९ लाख ४ हजार रुपैयाँ खुद नाफा कमाएको थियो ।

यस अवधिसम्म लघुवित्तको खुद ब्याज आम्दानी उल्लेख्य बढेसंगै नाफामा पनि सुधार देखिएको हो । अघिल्लो आर्थिक वर्षमाा ७ करोड ५८ लाख रुपैयाँमा सीमित भएको लघुवित्तको यस्तो आम्दानी यस अवधिसम्म २४.०४ प्रतिशतले बढेर ९ करोड ४१ लाख रुपैयाँ पुगेको छ । त्यस्तै, यस अवधिसम्म लघुवित्तले १३ करोड ४६ लाख रुपैयाँ खराब कर्जा उठाउन सफल भएको छ ।

यस्तै, लघुवित्तको प्रतिसेयर आम्दानी २१ रुपैयाँ ९८ पैसा रहेको छ भने प्रतिसेयर नेटवर्थ १५९ रुपैयाँ ४३ पैसा कायम भएको छ ।