प्रमुख प्रतिपक्ष दल नेकपा एमालेको तर्फबाट उपसभामुख पदमा विद्या भट्टराईले उम्मेदवारी दर्ता गरेकी छन् । उनकाे प्रस्तावकमा शान्ता चौधरी र समर्थकमा कृष्ण भक्त पोख्रेल रहेका छन् ।

सत्ता गठबन्धनको तर्फबाट नेपाली कांग्रेसकी सांसद पुष्पा भुसाललाई उपसभामुख मनोनयन दर्ता गराएकी छन् । भुसालले नेकपा (माओवादी केन्द्र)का प्रमुख सचेतक देवप्रसाद गुरुङ प्रस्ताव र नेकपा (एकीकृत समाजवादी)का लक्ष्मीकुमारी चौधरी समर्नमा उम्मेदवारी दर्ता गरेकी हुन् ।

साढे २ वर्षदेखि रिक्त रहेको उपसभामुखका लागि आज बिहान ११ देखि १ बजेसम्म उम्मेदवारी मनोनयन गर्ने कार्यसूची थियाे । संसद सचिवालयका अनुसार साढे एक बजे दर्ता भएको सूचनाको सूची प्रकाशन गर्ने कार्यक्रम रहेको छ । उपसभामुखका लागि भोलि दिउँसो ३ बजे प्रतिनिधिसभाको बैठकमा निर्वाचन हुनेछ ।

नेपालको संविधानको धारा ९० को उपधारा (२) उपधारा (१) बमोजिम निर्वाचन गर्दा प्रतिनिधिसभाको सभामुख र उपसभामुखमध्ये एक जना महिला हुनु पर्नेछ । यसैगरी यी दुई पदमा फरक-फरक दलको प्रतिनिधि हुनुपर्ने पनि संविधानमा उल्लेख छ ।

प्रकाशित समय : १९:१४ बजे