समसामयिक राजनीतिक अवस्था लगायतका विषयमा छलफल गर्न नेपाली कांग्रेसको पदाधिकारी बैठक आज बस्दैछ । दिउँसो १ बजे पार्टी केन्द्रीय कार्यालय सानेपामा बस्ने बैठकमा समसामयिक राजनीतिका साथै आगामी २७ गते बोलाइएको केन्द्रीय समिति बैठकका एजेण्डामाथि समेत छलफल हुने ।

कांग्रेस केन्द्रीय कार्यालयका मुख्य सचिव कृष्णप्रसाद पौडेलले बैठकमा स्थानीय तहको समीक्षा र भ्रातृ तथा शुभेच्छुक संस्थाका विधान लगायतका विषयमा पनि छलफल हुने जानकारी दिए ।

पार्टीमा प्रधानमन्त्रीसमेत रहेका सभापति देउवाले एकलौटी गर्दै आएको भन्दै संस्थापन इतर पक्षले विरोध गर्दै आएको छ । यहीसाता दुई दिनसम्म काठमाडौंमा छुट्टै भेला गरेको शेखर पक्षले देउवाविरुद्ध प्रतिवाद गर्ने निर्णय गरेको थियो । पार्टीमा विभागहरु गठन नभएको, सहायक संगठनहरु लथालिङग बनाएको र विधान अनुसार देउवा नचलेको आरोप शेखर पक्षको छ ।

प्रकाशित समय : १४:५७ बजे