सहरी विकासमन्त्री रामकुमारी झाँक्रीको ८ महिना २० दिन लामो कार्यकाल आइतबार सकिएको छ । आइतबार उनले मन्त्रालयमा पत्रकार सम्मेलन गर्दै आफू मन्त्री पदबाट बाहिरिएको जानकारी गराएकी हुन् ।

उनी पत्रकार सम्मेलनमा लगातार आँसु पुछिरहिन् । उनले आफूलाई जिम्मेवारी दिने पार्टी, विश्वास गर्ने प्रधानमन्त्रीलगायत र कर्मचारीहरुलाई धन्यवाद प्रकट गरेकी थिइन् । उनले भनिन्, ‘म आज धेरै बोल्नसक्ने अवस्थामा छैन ।’

उनलाई कार्यक्रममा सचिव, सहसचिवलगायत कर्मचारीहरुले बिदाइ गरेका थिए । उनलाई कर्मचारीहरुले मायाको चिनो प्रदान गरेका थिए ।

प्रकाशित समय : ००:५९ बजे