गृहपृष्ठ कृषि क्वारेन्टिन राख्न माग

कृषि क्वारेन्टिन राख्न माग

कृषि क्वारेन्टिन राख्न माग

कञ्चनपुर उद्योग वाणिज्य संघले सोमबार साँझ भारतको उत्तराखण्डका मुख्यमन्त्री पुष्करसिंह धामीलाई विभिन्न मागसहितको ज्ञापनपत्र बुझाएको छ ।

संघका अध्यक्ष जंगबहादुर मल्ल नेतृत्वको टोलीले भारतको बनबासामा मुख्यमन्त्री धामीलाई भेटेर बनबासा पुलमा २४सै घण्टा आवागमन सहज हुनुपर्ने, दोधारा चादँनीमा प्रस्तावित सुक्खा बन्दरगाहसित जोड्न भारतले आफ्नो भूमिमा सडक, पुल, रेल्वेलगायतको संरचना जोड्न निर्माणमा पहल गर्न लगायतका माग राखेर ज्ञापन बुझाएको हो ।

'यसअघि दैनिक चार घण्टा खुल्ने पुल मुख्यमन्त्रीज्यूकै पहलमा अहिले सात घण्टा खुलिरहेको छ', वाणिज्य संघका अध्यक्ष मल्लले भने, 'पूर्णागिरिबाट खटिमा बजारसम्म नेपाली सवारीसाधन चल्न पाउनुपर्ने माग पनि राखेका छौँ ।'

संघले कृषि क्वारेन्टिन नहुँदा समस्या भइरहेको जनाउँदै क्यारेन्टिन स्थापनाका लागि पनि माग गरिएको जनाएको छ । ज्ञापनपत्र बुझ्दै मुख्यमन्त्री धामीले नेपाल-भारतको परापूर्वकालदेखि धार्मिक र आर्थिक सम्बन्ध रहेको बताए । 'नाका खुलाउनुपर्ने विषय आवश्यकताको विषय पनि हो', उनले भने, 'यो विषयमा यथाशीघ्र पहल गर्नेछौँ ।'

प्रकाशित समय : १७:०१ बजे

प्रतिक्रिया दिनुहोस्

सम्बन्धित शीर्षकहरु