नेत्रविक्रम चन्द 'विप्लव' नेतृत्वको नेकपाबाट भर्खरैमात्र विभाजित नेकपा बहुमत पार्टीका संयोजक धर्मेन्द्र बास्तोला पक्राउ परेका छन् । पोखराबाट नेपालगञ्ज जाँदै गरेका बास्तोलासहित ३ जनालाई प्रहरीले दाङको भालुवाङबाट पक्राउ गरेको हो ।

प्रहरीले उनीहरुलाई नियन्त्रणमा लिएर इलाका प्रहरी कार्यालय भालुवाङमा राखेको छ । केहिदिन अगाडि मात्र बास्तोलाले नेत्रविक्रम चन्द विप्लवको नेतृत्वमा रहेको नेपाल कम्युनिष्ट पार्टी विभाजन गरेर नेकपा बहुमत गठन गरेका छन् । बास्तोला उक्त पार्टीको संयोजक बनेका छन् ।

विप्लव नेतृत्वले अघोषित रुपमा निर्वाचनमा भाग लिएका बेला बास्तोला नेतृत्वको पार्टीले निर्वाचन बहिष्कार गरेको छ ।  प्रहरीले निर्वाचन बहिस्कार गर्ने समूहलाई निगरानी गरिरहेको छ ।

प्रकाशित समय : १३:५८ बजे