गृहपृष्ठ एसियन गेम्स स्थगित
एसियन गेम्स स्थगित
चीनको ह्वान्झाओमा सेप्टेम्बर १० देखि २२ हुने तय भएको १९औं एसियन गेम्स कोभिड १९ महामारीका कारण २०२३ सम्मका लागि स्थगित भएको छ । ओलम्मिक काउन्सिल अफ एसिया (ओसीए)ले १९औं एसियाली खेलकुद स्थगित गर्ने निर्णय गरेको हो ।
स्थगितकाे निर्णय गर्नुअघि ओसीएले चिनियाँ ओलिम्पक कमिटी (सीओसी) र ह्वान्झाओ एसियाली खेलकुद आयोजक कमिटी (एचएजीओसी)सँगको विस्तृत छलफल गरेकाे थियाे । प्रतियोगिताको नयाँ मिति ओसीए, सीओसी र एचएजीओसीबीचको छलफलबाट निकट भविष्यमा सार्वजनिक गरिने ओलम्पिक एसियाले जनाएकाे छ ।
विश्व व्यापी विभिन्न समस्याका बाबजुद पनि एचएजीओसी प्रतियोगिताको पूर्ण तयारीमा जुटेको थियो । तर, काेभिडको महामारीका कारण उत्पन्न परिस्थितमा १९ एसियन गेम्स स्थगित गर्ने निर्णय भएको हो ।
प्रकाशित समय : २०:२६ बजे