७३ प्रतिशत नागरिकले भौतिक रुपमा काउन्टरमा गएर महसुस तिर्छन्, समय वचत गर्न आग्रहअर्को सातादेखि देशभरको इन्टरनेट अवरुद्ध गर्ने चेतावनी
वि.सं.२०७९ वैशाख १८ आइतवार ००:२३
10.87K
shares
shares
इन्टरनेट सेवा प्रदायकहरूले आगामी सातादेखि देशभर इन्टरनेट सेवा बन्द गर्ने चेतावनी दिएका छन् । सेवा प्रदायकले शनिबार विज्ञप्ति जारी गरेर आगामी सातादेखि इन्टरनेट सेवा अवरुद्ध हुन सक्ने चेतावनी दिएका हुन् ।
‘सञ्चार तथा सूचना प्रविधि मन्त्रालयले टाटा, एयरटेल र सिफी जस्ता कम्पनीलाई विदेशी रकममा भुक्तानी सिफारिस पूर्ण रूपमा बन्द गरेको छ,’ विज्ञप्तिमा लेखिएको छ, ‘जसकारण विगत ६ महिनादेखि भुक्तानी रोकिएको छ ।’ लामो समयदेखि भुक्तानी रोकिएकाले आगामी सातादेखि इन्टरनेट सेवा रोक्नुपर्ने बाध्यात्मक स्थिति आउन सक्ने विज्ञप्तिमा उल्लेख छ ।
मन्त्रालयले विदेशी मुद्रामा भारतीय इन्टरनेट प्रदायकलाई भुक्तानी रोकेको विरोधमा वैशाख १९ गते मनाइने राष्ट्रिय सूचना तथा सञ्चार प्रविधि दिवसमा सहभागी नहुने इन्टरनेट व्यवसायीले घोषणा गरेका छन् । वैशाख १४ गते बसेको कार्यसमिति बैठकले दिवसलाई पूर्ण रूपमा बहिस्कार गर्ने निर्णय गरेको जानकारी दिएको छ ।
