गृहपृष्ठ चार हिमाल सफा गर्न सेनाको टोली आधार शिविरमा
चार हिमाल सफा गर्न सेनाको टोली आधार शिविरमा
नेपाली सेनाले नेतृत्व गरेको ‘सफा हिमाल अभियान-२०२२’को टोलीहरु चार वटा हिमालका आधार शिविरमा पुगेका छन् ।
यस अभियानअन्तर्गत सगरमाथा, ल्होत्से, कञ्चनजंघा र मनास्लु हिमालको सफाइ गर्ने तयारी छ । सगरमाथा र ल्होत्सेमा खटिएको टोली १ वैशाख, कञ्चनजंघामा खटिएको टोली ८ वैशाख र मनास्लुमा खटिएको टोली ९ वैशाखमा आधार शिविर पुगेका नेपाली सेनाले जनाएको छ ।
‘बेश क्याम्प पुगे पश्चात उक्त टोलीले फोहोर संकलन गर्ने कार्य सुरु गरेका छन्’, जंगीअड्डा जनसम्पर्क तथा सूचना निर्देशनालयले प्रेस नोटमा भनेको छ ।
हिमाल सफाई अभियान २२ गतेसम्म सञ्चालन हुनेछ ।
प्रकाशित समय : १७:०५ बजे
