युनिलिभरले नेपाली सेनाको हिमाल सफाइ अभियानमा हातेमालाे गर्ने भएको छ । कम्पनीले ‘विश्वलाई दिगो साझा बासस्थान बनाउने’ प्रतिवद्धताको एक अंश रूपमा ‘हिमाल सरसफाइ अभियान २०२२’ मा नेपाली सेनासँग हातेमालो गरेको हो ।

नेपाली सेनासँग यस महान पहलका हातेमालो गर्न र योगदान दिन पाउँदा कृतज्ञ रहेको कम्पनीले जनाएको छ । युनिलिभरले नेपालका लागि जे राम्रो छ त्यसको पक्षमा उभिने र विश्वास गर्ने हुनाले हिमालयलाई फोहोरबाट स्वच्छ राख्न राष्ट्रिय सरसफाइ कार्यक्रमसँग युनिलिभरको यो दोस्रो सहकार्य हो । हिमालको संरक्षण गर्ने र चुचुरो/हिमाल हरू सरसफाई गरी जलवायु परिवर्तनको असरलाई न्यूनीकरण गर्ने उद्देश्यले बहुपक्षीय कार्यक्रम सञ्चालन गरिएको हो ।

फोहरमुक्त विश्वको लागि चक्रीय आर्थिक प्रणालीको दृष्टिकोण युनिलिभरको रणनीतिको केन्द्रमा रहँदै आएको छ । फोहोरमैला व्यवस्थापनमा लापरवाहीले हिमालहरूको सौन्दर्यलाई तहसनहस पार्नुका साथै हाम्रो विश्वको वातावरणीय स्वास्थमाथि जोखिम उत्पन्न गरिरहेको छ । नेपाली सेनाको मुख्यालय, जंगीअड्डा काठमाडौंमा आयोजित कार्यक्रममा नेपाली सेनाको  राष्ट्रिय निकुञ्ज तथा वन्यतन्तु आरक्ष निर्देशानालयका निर्देशक सहायक रथी हिमांशु खड्काले युनिलिभर नेपाललाई बधाइ दिए । ‘हिमाल सफाइ अभियानलाई अभियानको सफलताका लागि विश्वसनीय र प्रतिवद्ध साझेदारीको आवश्यकता पर्दछ र हामी युनिलिभरसँग नेपालमा  यसलाई निरन्तरता दिन पाउँदा उत्साहित छौँ,’ सहारक रथी खड्काले भने ।

युनिलिभर नेपाल लिमिटेडका प्रबन्धनिर्देशक अम्लान मुखर्जीले यस निरन्तर सहकार्यमार्फत कम्पनीले यस वर्ष फोहोर संकलन, छुट्याउने, सञ्चित फोहोरको पुनः प्रयोगमा नयाँ कीर्तिमान कायम गर्ने लक्ष्य राखेको बताए । नेपाललाई आफ्नो शिखरहरूको लागि गौरव कायम राख्न सहयोग गरी नेपालको सेवामा क्रियाशील रहेको उल्लेख गर्दै उनले युनिलिभरले कञ्चनजंघा हिमालको सफाइभन्दा अर्को राम्रो कारण फेला नपारेको बताए ।

प्रकाशित समय : २०:५९ बजे