नेकपा माओवादी केन्द्रले चुनावी प्रचार प्रयोजनका लागि बनाएको पोस्टरमा नेपाल विद्युत् प्राधिकरणका कार्यकारी निर्देशक कुलमान घिसिङको फोटो प्रयोग गरेको छ । माओवादी केन्द्रका अध्यक्ष पुष्पकमल दाहाल प्रचण्डको ‘कमरेड प्रचण्ड’ नामक फेसबुकबाट सार्वजनिक पोस्टरमा प्रचण्ड, अर्थमन्त्रीसमेत रहेका माओवादी नेता जनार्दन शर्मा र कुलमान घिसिङको तस्बिर राखिएको हो ।

माओवादी नेता शर्मा ऊर्जामन्त्री र घिसिङ प्राधिकरणका कार्यकारी निर्देशक भएका बेला लोडसेडिङ अन्त्य भएको थियो ।

‘लोडसेडिङ अन्त्य एउटा फड्को, अब पालो निःशुल्क बिजुलीको’ लेखेर प्रचण्डको फेसबुकबाट माओवादीले नेपाल विद्युत प्राधिकरणलाई निजीकरण गर्न खोजेको छ । उक्त पोस्टरमा अँध्यारोबाट उज्यालोतर्फको यात्रा लेखिएको छ । जसलाई अहिले माओवादीका नेताहरुले धमाधम शेयर गर्न थालेका छन् ।

सामाजिक सञ्जाल प्रयोगकर्ताहरुले भने चर्काे आलोचना गरिरहेका छन् ।

प्रकाशित समय : १५:५८ बजे