सिटी एक्सप्रेस मनी ट्रान्सफर प्रालि र जापानिज ल्याङवेज स्कुल एसोसिएसन अफ नेपाल सहकार्य गरी ‘Students Meet 2022′ कार्यक्रम सम्पन्न गरेको छ । उक्त कार्यक्रममा JALSAN सँग आबद्ध ४० भन्दा बढी Educational Consultancy मार्फत जापान जान लागेका २०० भन्दा बढी विद्यार्थीको सहभागिता रहेको थियो ।

सोही कार्यक्रममा सिटी एक्सप्रेस मनी ट्रान्सफरका प्रबन्ध निर्देशक चन्द्र टण्डनद्वारा जापान जान लागेका विद्यार्थीहरुलाई जापानी संस्कृतिको बारेमा जानकारी दिनुको साथै जापान पुगेपश्चात आफूले मिहेनत गरेर कमाएको पैसा बैंकिङ च्यानलमार्फत मात्र पठाउन हुन उत्प्रेरित गरे ।

यसको साथै उक्त कार्यक्रममा हाल जापान बसेर सिटी एक्सप्रेस मनी ट्रान्सफर जापान कम्पनी लिमिटेडमा दर्ता भएका १० भाग्यशाली विजेतालाई ‘सिटी आयो पुरस्कार ल्यायो’ योजनाअन्तर्गत जनही १० हजार रूपैयाँ पुरस्कार विद्युतीय लक्की ड्र सिस्टममार्फत विजेता घोषणा पनि गरिएको थियो । सिटी एक्सप्रेसले JALSAN सँगको सहकार्यमा जापानमा अध्ययनरत विधार्थीहरुको लागि हरेक वर्ष पुरस्कार प्रदान गर्ने योजनासमेत बनाएको छ ।

सिटी एक्सप्रेसले विगत १५ वर्षदेखि संसारभरबाट विप्रेषण सेवा प्रदान गर्दै आइरहेको छ ।

प्रकाशित समय : १७:५६ बजे