सर्लाहीमा गोली प्रहारबाट एक भारतीय नागरिकको हत्या भएको छ । जिल्लाको मलंगवा नगरपालिका-९ मा बुधबार साँझ भारतीय नागरिकमाथि गोली प्रहार भएको थियो ।

गोली लागेर गम्भीर घाइते भएका भारतको सोनबर्सास्थित विष्णुपुर नगरनिगमका ३५ वर्षीय इन्दल महतोको मलंगवास्थित अस्पतालमा मृत्यु भएको हो । मोटरसाइकलमा आएका व्यक्तिले महतोमाथि गोली प्रहार गरेका प्रहरीले जनाएकाे छ । जिल्ला प्रहरी कार्यालय सर्लाहीका प्रमुख एसपी प्रविण पोखरेलका अनुसार मंलगवास्थित कृष्णामति विद्यालयको पछाडि महतोमाथि गोली प्रहार भएको हाे ।

गोली प्रहार गरेका व्यक्ति भारततर्फ नै भागेको सूचना प्राप्त भएको बताइएकाे छ ।

प्रकाशित समय : ०३:२२ बजे