झरना थापाको फ्रेन्चाइज फिल्म 'ए मेरो हजुर'को चौथो सिक्वेल 'ए मेरो हजुर ४'को ट्रेलर सार्वजनिक भएको छ । बिहीबार 'ए मेरो हजुर ४' फिल्मको ट्रेलर सार्वजनिक भएको हो । झरना थापाको निर्देशनमा बनेको फिल्मको ट्रेलरमा अनमोल केसी र सुहाना थापाको प्रेमलाई देखाइएको छ ।

बुधबार आयोजित कार्यक्रममा ट्रेलर सार्वर्जनिक गर्दै फिल्मको निर्माण पक्षले फिल्मका अघिल्ला भागहरुलाई जस्तै यो भागलाई पनि दर्शकले माया गर्ने अपेक्षा रहेको बताए । फिल्मलाई निर्देशक थापासँगै छेतेन गुरुङले लेखेका छन् । सुनिलकुमार थापा प्रोडक्सन्सको ब्यानरमा निर्माण भएको फिल्मको पटकथादेखि संवादसम्ममा निर्देशक थापासँगै मन्दिप गौतम, बाबुराम दाहाल, प्याट्रिक पौडेल, उपकार पाण्डे, माधव शर्मा लगायतले काम गरेका छन् ।  फिल्मलाई सुहाना इन्टरटेन्मेन्टले वितरण गरेको छ ।

आगामी वैशाख १ गते प्रदर्शनमा आउने साे फिल्मलाई दर्शकबाट आफूले गरेको अपेक्षा अनुसारको माया पाउने निर्माण पक्षले विश्वास लिएको छ । वैशाख १ मा 'ए मेरो हजुर ४'सँगै दक्षिण भारतीय फिल्म 'केजीएफ २'को पनि प्रदर्शन हुनेछ ।

ट्रेलर :

प्रकाशित समय : १८:३३ बजे