भक्तपुरमा क्याथल्याबसहित मुटुरोग उपचार सेवा सञ्चालन गर्न मुख्यमन्त्रीको आग्रह
विप्लवको चुनावी नीति : बहिष्कार वा सहभागी केन्द्रीय कमिटीमा छलफल हुँदै
वि.सं.२०७८ चैत ४ शुक्रवार १६:०८
11K
shares
shares
आगामी बर्षको बैशाख ३० मा हुने स्थानीय तहको निर्वाचनका विषयमा छलफल गर्न नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले केन्द्रीय कमिटी बोलाएको छ । निर्वाचनलाई बहिष्कार गर्ने वा सहभागिता जनाएर चुनावमा होमिनेबारेको निर्णय गर्न विप्लवले बैठक आह्वान गरेका हुन् ।
बैठक शुक्रबार कपिलवस्तुको शिवगढीमा सुरु हुने नेकपाले जनाएको छ ।
गत २६ फागुनमा सम्पन्न भएको सचिवालय बैठकमै महासचिव विप्लवले चुनाव उपयोगबारे प्रस्ताव गरेका थिए । उक्त प्रस्तावबारे नेकपाको उच्च तहमै समान मत छैन । पाँच सदस्यीय सचिवालय बैठकमा विप्लवको प्रस्तावको पक्षमा प्रवक्ता विश्वकर्मा मात्रै उभिएका थिए ।
वास्तोला र हेमन्तप्रकाश वली ‘सुदर्शन’यसको विपक्षमा थिए । अर्का सचिवालय सदस्य सन्तोष बुढामगर भने तटस्थ बसेका थिए । पार्टीमा विप्लव र प्रवक्ता विश्वकर्माको पडक भएकाले केन्द्रीय समिति बैठकले चुनाव उपयोगको नीति लिने अनुमान गरिएको छ ।
