तीन वर्षे कार्यकालका लागि नयाँ कार्य समिति चयन गर्दै लिम्बू जातिको सामाजिक संस्था किरात याक्थुङ चुम्लुङको ११औँ राष्ट्रिय महाधिवेशन सम्पन्न भएकाे छ ।

पाँचथरको सदरमुकाम फिदिममा सम्पन्न महाधिवेशनले प्रेम एक्तेनको अध्यक्षतामा ३४ सदस्यीय संघीय कार्यसमिति सर्वसम्मत चयन गरेको हाे । नवनिर्वाचित अध्यक्ष एक्तेन यसअघि केन्द्रीय समितिमा उपाध्यक्ष थिए । मंगलबार साँझ सम्पन्न महाधिवेशनबाट उपाध्यक्षमा डा. कमल तिगेला, गोबिन्द आङ्बुङ, कमल फागो र चन्द्रकुमार आङ्देम्बे चयन भएका छन् । महासचिवमा निरन्ती तुम्बापोले निरन्तरता पाएकी छन् । उप-महासचिवमा योगेन्द्र पालुङ्वा चयन भएका छन् ।

समितिको सचिवमा चक्र येक्तेन, दिलकुमारी लिम्बू, भवानी विक्रम सम्बाहम्फे र भीमप्रसाद योङहाङ रहेका छन् । कोषाध्यक्षमा अमर तुम्याहाङ चयन भएका हुन् । अन्य सदस्यहरू भने मनोनयन गर्न बाँकी रहेको बताइएकाे छ ।

प्रकाशित समय : १९:१० बजे