गृहपृष्ठ ट्राफिक नियन्त्रण तालिम सुरू

ट्राफिक नियन्त्रण तालिम सुरू

ट्राफिक नियन्त्रण तालिम सुरू

राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा १४३औं समूहको प्रहरी हवल्दार/प्रहरी जवान ट्राफिक नियन्त्रण तालिम महानगरीय ट्राफिक प्रहरी महाशाखा, रामशाहपथमा आइतबार एक कार्यक्रमका बच उद्घाटन भएको छ । महाशाखाका प्रमुख एसएसपी उमेश राज जोशीले उक्त तालिमको उद्‍घाटन गरेका हुन् ।

उक्त अवसरमा एसएसपी जोशीले फौजी संगठनमा विशेष महत्व राख्ने यस्ता व्यावसायिक तालिमले प्रशिक्षार्थीहरुको वृत्ति विकासमा महत्वपूर्ण भूमिका खेल्नुका साथै व्यक्तित्व विकासमा समेत सघाउ पुर्‍याउने उल्लेख गरे । ट्राफिक व्यवस्थापन कार्य दिनानुदिन चुनौतीपूर्ण बन्दै गइरहेको परिप्रेक्ष्यमा विशेष खालका समस्याहरुलाई पहिचान गरी त्यसको निराकरणका लागि ट्राफिक प्रहरीसँग भएका मानवीय तथा भौतिक श्रोत साधनहरुको उच्चतम प्रयोग गरी सडक प्रयोगकर्ताहरुलाई सरल र सहज रुपमा सेवा प्रदान गरि ट्राफिक व्यवस्थापन कार्यमा यस तालिमले सहजता ल्याउनुपर्नेमा उनले जोड दिए ।

प्रशिक्षार्थीहरुले यसअघि संगठनको विभिन्न नियुक्तिमा रही लामो अनुभव प्राप्त गरिसकेको चर्चा गर्दै तालिमलाई विशेष मौकाको रुपमा सदुपयोग गर्दै अझ बढी अध्ययनशील र मेहनती भई फौजी अनुशासन कायम राख्दै स्वःस्फूर्त रुपमा तालिमबाट बढीभन्दा बढी ज्ञान आर्जन गर्न प्रयत्नशील रहने विश्वास पनि व्यक्त गरे । कार्यक्रममा तालिम संयोजक डीएसपी सन्तोष रोकाले तालिमसम्बन्धी प्रतिवेदन प्रस्तुत गर्दै जम्मा ४५ दिन कार्यअवधिको उक्त तालिममा प्रहरी हवल्दार २ जना र प्रहरी जवान ७५ जना गरी कुल ७७ (१२ महिलासहित) जना प्रशिक्षार्थीको सहभागिता रहेको जानकारी दिए ।

तालिममा ट्राफिक व्यवस्थापनका विविध विषयका स्रोत व्यक्ति तथा विषय विज्ञद्वारा सैद्धान्तिक एवं व्यवहारिक प्रशिक्षण प्रदान गर्दै तालिमलाई वैज्ञानिक र स्तरीय ढंगले सञ्चालन गरिने कुरा सो समारोहमा जानकारी गराइएको थियो ।

प्रकाशित समय : १७:३१ बजे

प्रतिक्रिया दिनुहोस्

सम्बन्धित शीर्षकहरु