नेपालको पूर्वी क्षेत्रमा बंगलादेश आसपासमा रहेको न्यून चापीय प्रणालीको आंशिक प्रभाव परेको छ । आज बिहान प्रदेश १, बागमती र गण्डकीका पहाडी भूभागको मौसममा बदली भएको र तराईमा तुवाँलो लागेको मौसम पूर्वानुमान महाशाखाले जनाएकाे छ ।

महाशाखका अनुसार पछिल्ला दिनमा काठमाडौं उपत्यकासहित मुलुकभर चिसो बढ्न थालेको छ । पछिल्लो २४ घन्टामा काठमाडौंको न्यूनतम तापक्रम ८.८ डिग्री सेल्सियसमा झरेको छ । सबैभन्दा कम तापक्रम माइनस २.८ डिग्री रहेको छ । आज दिउँसो प्रदेश १, बागमती, गण्डकी तथा लुम्बिनीका पहाडी भूभागको मौसममा बदली रहनेछ । त्यस्तै ती क्षेत्रका एक-दुई स्थानमा हल्का वर्षाको सम्भावना रहेको छ । प्रदेश १, बागमती प्रदेश, गण्डकी र सुदूरपश्चिमका उच्च पहाडी तथा हिमाली भूभागमा हिमपातको सम्भावना छ ।

आज राति प्रदेश १ र बागमती प्रदेशका एक-दुई स्थानमा हल्का वर्षाको सम्भावना रहेको मौसम पूर्वानुमान महाशाखाले जनाएको छ ।

प्रकाशित समय : १३:५६ बजे