एनएमबी बैंकले भिडियो केवाईसी, एक भिडियो कलमा आधारित ५ मिनेटमै देश वा विदेशमै रही खाता खोली कारोवार गर्न सकिने योजना ल्याएको छ । बैंकले आइतबार काठमाडौंमा पत्रकार सम्मेलन गरी यो सेवा सञ्चालनमा ल्याएको घोषणा गरेको हो ।

यो सेवामार्फत अब ग्राहकले एनएमबीमा भिडियो कलमार्फत अनलाइन नयाँ खाता खोल्न यस डिजिटल सेवा प्रयोग गरेर आफ्नो केवाईसी विवरणहरू पूरा/अपडेट गर्न सक्दछन् । भिकेवाईसीको लागि डिजीटल लिंक http://5M https://vcc.nmb.com.np रहेको छ । एनएमबीले ग्राहकको लागि नेपालमा डिजिटल बैंकिङको अनुभवमा परिवर्तनको सुरुवात गर्दैछ । 'ग्राहकले अब मोबाइल र इन्टरनेट बैंकिङको परम्परागत उपयोगको परिधिभन्दा माथि उठेर बैंकसम्म नधाईकनै मुख्य बैंकिङ गतिविधिहरु सञ्चालन गर्न सक्दछन । हालको परिवेशमा पनि यस प्रकारको सेवाले ग्राहकको लागि घरमै बसी बैंकिङ कारोवार सहज बनाउनुको साथै सबै प्रकारको म्यानुअलकामलाईृ निर्मुल पार्दै पारदर्शिता, त्रुटिरहित र कागजविहीन बैंकिङ प्रदान गर्दछ । जुन बैंकको ग्लोबल एलायन्स फर भ्यालु बेस्ड बैंकिङको सदस्यको नाताले वातावरणमैत्री बैंकिङप्रति प्रतिबद्धता परिपुर्ति गर्नु रहेको छ,' बैंकले जारी गरेको विज्ञप्तिमा भनिएको छ ।

यसैबीच बैंकले लोकप्रिय युवा अभिनेता तथा समाजसेवी पल शाहलाई बैंकको ब्राण्ड एम्बेस्डर नियुक्त गरेको छ । बैंकले पत्रकार सम्मेलमार्फत सो जानकारी गराएको हो । एनएमबी बैंक नेपालको अग्रणी वाणिज्य बैंक हो भने शाह टेलिभिजनको इडिटिङ, म्युजिक भिडियो हुंदै नेपाली सिनेमा जगतमा प्रशंसा प्राप्त गरिरहेको उदयीमान अभिनेतामध्ये एक हुन । एक प्रेस वक्तव्य जारी गर्दै बैंकले  शाहसँग द्वीपक्षीय समझदारी भएको जनाएको छ । शाहसँगको सहकार्यले बैंकको प्रवर्द्धन गर्न थप सहयोग पुग्ने विश्वास लिइएको छ । बैंकको ब्राण्ड एम्बेसडर भएर सहकार्य गर्न पाउँदा आफूलाई खुशी लागेको र बैंकको उत्तरोत्तर प्रगतिमा आफुले उत्कृष्ट भुमिका प्रस्तुत गर्ने प्रतिबद्धता शाहले व्यक्त गरे  ।

त्यसै गरी शाहलाई एनएमबी बैंक परिवारमा ब्राण्ड एम्बेसडरको रुपमा अफिसियली स्वागत गर्न पाउँदा खुशी लागेको बैंकले जनाएको छ । बैंकले देशभरीका १८१ शाखाहरुका साथै १३७ एटीएम, ९ एक्सटेन्सन काउन्टरमार्फत सेवा प्रदान गदै आइरहेको छ ।  

प्रकाशित समय : १३:२२ बजे