बैंक अफ काठमाण्डूको खुद नाफा २८ करोड ३४ लाख पुगेको छ । बैंकलेले सार्वजनिक गरेको चालू आर्थिक वर्षको पहिलो त्रैमासिक वित्तीय विवरणमा खुद नाफा ५ प्रतिशतले बढेको जनाएको छ ।

बैंकका अनुसार गत आर्थिक वर्षको यहि अवधिमा बैंकले २४ करोड १० लाख रुपैयाँ मात्रै खुद नाफा आर्जन गरेको थियो । बैंकको खुद ब्याज आम्दानी र सञ्चालन मुनाफा बढेका कारण खुद नाफा बढ्न टेवा पुगेको हो ।

समीक्षा अवधिमा बैंकको खुद ब्याज आम्दानी ३।१८ प्रतिशत र सञ्चालन मुनाफा ५ प्रतिशतले बढेको छ । यस अवधिमा बैंकको इम्पेरमेन्ट चार्ज भने ३४ करोड ४८ लाख रुपैयाँबाट घटेर ३ करोड ४२ लाख रुपैयाँमा सिमित भएको छ । यस अवधिसम्ममा बैंकको वितरणयोग्य मुनाफा २ करोड ९२ लाख रुपैयाँ मात्रै रहेको छ ।

प्रकाशित समय : २३:०५ बजे