नेप्से परिसूचक पाँच दशमलव ४५ अङ्कले घट्यो
सयाैं संगीतकारले अफगानिस्तान छाडे
वि.सं.२०७८ असोज १९ मंगलवार १९:१९
14.28K
shares
shares
तालिबानले देश कब्जा गरेपछि काबुलबाट एक सयभन्दा बढी संगीत विद्यार्थी र शिक्षकले अफगानिस्तान छाडेका छन् । अफगानिस्तानको शीर्ष म्यूजिकल इन्स्टिच्युटका १०१ सदस्य सोमबार साँझ दोहा आइपुगेका छन् । उक्त समूहका अहमद सरमस्तले देशको नयाँ तेतृत्वबाट गीत-संगीत क्षेत्रमा दमन हुन सक्ने भयले देश छाडेको जनाएका छन् ।
अफगानिस्तान नेशनल इन्स्टिच्युट अफ म्युजिकका संस्थापक सरमास्तले भने, 'ती महिला र केटीहरू मध्ये लगभग आधा महिला र केटीहरू त्यहाँको सरकारको सहयोगमा पोर्चुगल जाने योजनामा छन् ।' काबुलस्थित कतारी दूतावासको सहयोगमा संगीतकारहरूलाई सानो-सानो समूहमा विभाजित गराएर सहरको विमानस्थलसम्म पुर्याइएको थियो। तालिबानी लडाकुहरूले काबुलमा कब्जा जमाएपछि तालिबानीहरूले विमानस्थलको व्यवस्थापन गरिरहेका थिए ।
तालिबानीहरूले महिला तथा बालबालिकालाई बाहिर जान अवरोध गरिरहेका थिए तर कतारी अधिकारीहरूले भने त्यसको सहज व्यवस्थापन गरिदिएका थिए ।
