महानगरीय ट्राफिक प्रहरी महाशाखाले चोरीको मोटरसाइकल र स्कुटरसहित १ जनालाई गोकर्णेश्वरबाट नियन्त्रणमा लिएको छ । महाशाखाको पीडित सहायता ईकाइबाट सादा पोशाकमा खटिएको ट्राफिक प्रहरी टोलीले नियन्त्रणमा लिएको हो । 

नियन्त्रणमा लिनेमा गोकर्णेश्वतर नगरपालिका वडा नं. ६ नयाँबस्तीबाट दोलखा कालिञ्चोक घर भई हाल बौद्ध बस्ने २४ वर्षको तेज बहादुर खड्का रहेको महाशाखाले जनाएको छ । विशेष सुराकीको आधारमा उनलाई पक्राउ गरी उनलले लुकाई पार्किङ गरी राखेको बा५६प ४५४४ नम्बरको पहेलो रङको डिओ स्कुटर फेला परेको हो । उक्त स्कुटर यहि असोज १ गते मकवानपुर मनहरीका किरण वाईबाले ललितपुरको खुमलटारमा पार्किङ गरको अवस्थामा हराएको भनि महाशाखामा जानकारी दिएका थिए। थप अनुसन्धान गर्दै जाँदा उनले चोरी गरी वास्तविक नम्बर परिवर्तन गरि प्रदेश ३-०२-०१०प ७४४ नम्बर प्लेट भएको कालो रातो रंगको २२० सीसीको पल्सर मोटरसाइकलसमेत फेला पारेको हो ।

वास्तविक नं. बागमती प्रदेश०२-०१७प ७८०३ भएको उक्त मोटरसाइकल यहि भाद्र ३० गते काठमाण्डौंको काँडाघारीस्थित पार्किङबाट हराएको खुल्न आएको छ । उक्त मोटरसाइकल भोजपुर वडा नं ५ बोखिम घर भई काँडाघारी बस्ने बिशाल तामाङको रहेको पत्ता लागेको छ । पक्राउ परेका व्यक्तिलाई थप अनुसन्धान तथा कारबाहीको लागि महानगरीय प्रहरी वृत्त सातदोबाटोमा बुझाएको महाशाखाले जनाएको छ ।