नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी)का वरिष्ठ नेता झलनाथ खनालबीच भेटवार्ता भएको छ । भारतको नयाँ दिल्लीमा उपचार गराएर सोमबार स्वदेश फकिएका खनाललाई भेट्न प्रचण्ड आज बिहान उनको निवास डल्लु पुगेका थिए ।

भेटमा प्रचण्डले खनालको स्वास्थ्य अवस्थाबारे जानकारी लिएको उनको सचिवालयले जनाएको छ । खनालको केहीअघि भारतको अपोलो अस्पतालमा मिर्गौला प्रत्यारोपण गरिएको थियो ।

प्रकाशित समय : १७:४१ बजे