दमौली ।, यहाँको बन्दीपुर गाउँपालिकाले हेल्लो अध्यक्ष कार्यक्रममार्फत् जनतासँग प्रत्यक्ष संवाद गर्ने जनाएको छ । पालिकाले आगामी आर्थिक वर्ष २०८३÷८४ को नीति तथा कार्यक्रममा सुशासन, जनउत्तरदायी सेवा प्रवाह र नागरिकसँग प्रत्यक्ष संवादलाई प्राथमिकतामा राखेको हो ।

गाउँपालिकाले जनताका गुनासा, सुझाव र समस्यालाई सहज रूपमा सम्बोधन गर्न ‘हेल्लो अध्यक्ष’ कार्यक्रम सञ्चालन गर्ने घोषणा गरेको हो । गाउँपालिकाका अध्यक्ष सुरेन्द्र थापाले स्थानीय सरकारलाई नागरिकमैत्री, जवाफदेही र पारदर्शी बनाउने उद्देश्यले विभिन्न कार्यक्रम अघि सारिएको जानकारी दिए । गाउँपालिकाको विकास यात्रामा नागरिकको प्रत्यक्ष सहभागिता र सुझावलाई महत्वपूर्ण आधारका रूपमा लिइएको बताए ।

अध्यक्ष थापाका अनुसार ‘हेल्लो अध्यक्ष’ कार्यक्रममार्फत गाउँपालिकावासीले आफ्ना गुनासा, समस्या, सुझाव तथा जिज्ञासा प्रत्यक्ष रूपमा गाउँपालिका अध्यक्षसम्म पु¥याउन सक्नेछन् । सेवा प्रवाहमा देखिएका समस्या, विकास निर्माणका काम, सामाजिक सुरक्षा, शिक्षा, स्वास्थ्य, कृषि तथा पूर्वाधारसँग सम्बन्धित विषयमा नागरिकले सहज रूपमा आफ्नो धारणा राख्न सक्ने व्यवस्था गरिनेबताए ।

स्थानीय सरकार र नागरिकबीचको दूरी घटाउँदै जनताको आवाजलाई नीति निर्माण र कार्यान्वयन प्रक्रियासँग जोड्न कार्यक्रम प्रभावकारी हुने विश्वास व्यक्त गर्े । “स्थानीय सरकार जनताकै घरदैलोको सरकार हो”, थापाले भने “जनताका गुनासा र सुझाव सुन्ने तथा समाधान गर्ने दायित्व हाम्रो हो । त्यसैले नागरिकसँग प्रत्यक्ष संवाद बढाउन ‘हेल्लो अध्यक्ष’ कार्यक्रम सञ्चालन गर्न लागिएको हो ।”

नीति तथा कार्यक्रममा सुशासन प्रवर्द्धन, सेवा प्रवाहमा सुधार तथा प्रविधिमैत्री प्रशासनलाई पनि प्राथमिकता दिइएको छ । गाउँपालिकाले सार्वजनिक सेवा प्रवाहलाई छिटो, छरितो र प्रभावकारी बनाउने लक्ष्य लिएको छ । नागरिकले प्राप्त गर्ने सेवामा सहजता ल्याउन डिजिटल प्रविधिको प्रयोग बढाइने तथा प्रशासनिक प्रक्रियालाई थप व्यवस्थित बनाइने जनाइएको छ ।

गाउँपालिकाले आगामी वर्ष कृषि, पर्यटन, शिक्षा, स्वास्थ्य, खानेपानी, सडक तथा रोजगारी सिर्जनाका कार्यक्रमलाई समेत प्राथमिकतामा राखेको छ । स्थानीय स्रोत, साधन र सम्भावनाको अधिकतम उपयोग गर्दै दिगो विकासको आधार तयार गर्ने नीति अवलम्बन गरिएको अध्यक्ष थापाले बताए।

पर्यटनको दृष्टिले महत्वपूर्ण गन्तव्यका रूपमा रहेको बन्दीपुरमा पर्यटन पूर्वाधार विस्तार, ऐतिहासिक तथा सांस्कृतिक सम्पदाको संरक्षण र प्रवर्द्धन तथा पर्यटकमैत्री वातावरण निर्माणका कार्यक्रम सञ्चालन गरिने नीति तथा कार्यक्रममा उल्लेख गरिएको छ । पर्यटन क्षेत्रको विकासबाट स्थानीय रोजगारी र आयआर्जन बढाउने लक्ष्य गाउँपालिकाले लिएको छ ।

अध्यक्ष थापाले गाउँपालिकाको समग्र विकासमा जनप्रतिनिधि, कर्मचारी, राजनीतिक दल, निजी क्षेत्र, नागरिक समाज तथा आम नागरिकको साझा सहकार्य आवश्यक रहेको उल्लेख गर्े । विकास र समृद्धिको लक्ष्य हासिल गर्न सबै पक्षको सक्रिय सहभागिता अपरिहार्य रहेको बताए ।

प्रकाशित समय : १९:३४ बजे