विश्वभर कोरोना भाइरसबाट ३२ लाख भन्दा बढीको मृत्यु भएको छ । बितेको २४ घण्टामा मात्रै विश्वमा ९ हजार ९६९ जना संक्रमित थपिएका छन् । यससँगै विश्वभर कोरोनाबाट ज्यान गुमाउनेको संख्या ३२ लाख १६ हजार ४१४ पुगेको छ ।

गत २४ घण्टाभित्र विश्वभर ६ लाख ८० हजार १६० कोरोना भाइरसका संक्रमित थपिएका छन् । वर्ल्डोमिटर्सको तथ्यांकअनुसार सोमबार बिहानसम्ममा विश्वमा कोरोना संक्रमितको संख्या १५ करोड ३५ लाख ९४ पुगेको छ । गत २४ घण्टामा सबैभन्दा बढी भारतमा ३ लाख ७० हजार ५९ जना नयाँ संक्रमित थपिएका छन् । सोही अवधिमा भारतमा ३ हजार ४२२ जनाको कोरोना संक्रमणका कारण मृत्यु भएको छ । २४ घण्टाभित्र भारतमा मृत्यु हुनेको संख्या विश्वमै सबैभन्दा धेरै हो । भारतमा हालसम्म कोरोनाबाट १ करोड ९९ लाख २५ हजार ६०४ संक्रमित भएका छन् भने २ लाख १८ हजार ९५९ को मृत्यु भएको छ । 

त्यसैगरी ब्राजिलमा २८ हजार ९३५ जना संक्रमित थपिँदा तीन हजार १ हजार २१० जनाको मृत्यु भएको छ । ब्राजिलमा हालसम्म ४ लाख ७ हजार ७७५ जनाले ज्यान गुमाएका छन् भने संक्रमितको संख्या १ करोड ४७ लाख ५४ हजार ९१० पुगेको छ । सबैभन्दा बढी संक्रमित संख्या भएको राष्ट्र अमेरिकामा ३० हजार ७०१ नयाँ संक्रमित थपिएका छन् । अमेरिकामा थप ३१२ जनाले कोरोनाका कारण ज्यान गुमाएका छन् । त्यहाँ हालसम्म संक्रमित हुनेको संख्या ३ करोड ३१ लाख ८० हजार ४४१ पुगेको छ भने ५ लाख ९१ हजार ६२ को मृत्यु भएको छ । 

पछिल्लो दिनहरूमा नेपालमा कोरोना संक्रमितको संख्या उच्च संख्यामा थपिदै गइरेहका छन् । बितेका २४ घण्टामा मात्रै ७ हजार १३७ संक्रमित थपिएका छन् भने २७ जनाको मृत्यु भएको छ । नेपालमा हालसम्म संक्रमितको संख्या ३ लाख ३६ हजार ३० पुगेको छ भने ३ हजार ३२५ जनाले ज्यान गुमाएका छन् ।