नेपाल सरकारले नेपाली कामदारहरुलाई दक्षिण कोरियामा जस्तै जापानमा पनि पठाउने तयारी गरेको छ । २५ बर्ष अगाडिको जिट्को मोडलमा परिवर्तन गरी बायोमेट्रिकल एग्रिमेन्ट गरी सरकारले जापानमा कामदार पठाउने तयारी गरेको हो ।

नेपाल सरकार र जापान इन्टरनेश्नल ट्रेनिङ कोअपरेसन अर्गनाइजेसन (जिट्को) बिच सन् २००३ मा बिभिन्न किसिमको प्रशिक्षार्थीहरुलाई जापानमा आपूर्ति गर्ने सहमति भएको थियो । २५ वर्षसम्म पनि जिट्कोले खासै राम्रो काम नगरेले अब उक्त प्रक्रियालाई परिमार्जन गरी बायोमेट्रिक प्राणालीबाट कामदार पठाउने विषयमा छलफल भइरहेको श्रम मन्त्रालयले जानाकारी दिएकोछ ।

नेपालको तर्फबाट जापानमा कामदार पठाउदा कोरीया मोडलमा पठाँउने प्रस्ताप भएको छ । जापानी प्रतिनीधि पनि यो प्रस्तावमा सकारात्मक रहेको सरकारी अधिकारीहरुले जनाएका छन् । जापान सरकारले नर्सिङ , केयर गिभर , होटल , कृषि, निर्माण क्षेत्र, उद्योग र अन्य क्षेत्रमा नेपाली कामदार लिन चासो देखाएको मन्त्रालयको भनाई छ ।

जापान सरकारले कामदारको अभाव हुँदै गएपछि वार्षिक ५ लाख विदेशी कामदार भित्र्याउने नीति लिएको छ । जसमा नेपाल सरकारले रोजगारीका लागि ८० हजारसम्म नेपाली कामदारहरु जापान पठाउने गरी तयारी गरिरहेको जनाइएको छ ।