काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

बाढीपीडितका लागि आएको चार करोड फ्रिज

15.23K
shares

मोरङको कटहरी गाउँपालिकाका बाढीपीडितलाई वितरणका लागि आएको ३ करोड ८९ लाख २५ हजार रकम फिर्ता भएको छ । बाढीपीडितको रकम स्थानीय तहले वितरण नगरेपछि फ्रिज भएको हो ।

सो रकम मोरङको कटहरी गाउँपालिकाका बाढीपीडितका लागि आएको थियो । गृह मन्त्रालयबाट आएको रकम असार ३२ गतेसम्म गाउँपालिकाले वितरण नगरेपछि फिर्ता भएको हो । प्रमुख जिल्ला अधिकारी रामप्रसाद आचार्यले रकम वितरणका लागि पटक–पटक पत्राचार गर्दा पनि कटहरीसहित अन्य गाउँपालिकाले बेवास्ता गरेकाले रकम फिर्ता भएको जानकारी दिए ।

देशभरका स्थानीय तहलाई पठाएको रकम फिर्ता भएकाले यसको समाधान केन्द्रस्तरबाट हुनुपर्ने उनले बताए । तर, कटहरी गाउँपालिकाका अध्यक्ष रामकुमार कामतले बाढीपीडितको रकम आर्थिक वर्षभित्र फ्रिज हुन्छ भन्ने विषयमा जिल्ला प्रशासन कार्यालयले आफूलाई कुनै जानकारी नगराएको दाबी गरेका छन् ।

आर्थिक वर्षको अन्त्यसम्ममा रकम वितरण गरिसक्नुपर्ने कुराको जानकारी प्रशासनले नगराएको गाउँपालिका अध्यक्ष कामतले बताए । अब फेरि सो रकम आउने वातावरण बनाउन गाउँपालिका अध्यक्ष कामतले प्रमुख जिल्ला अधिकारी आचार्यसँग आग्रह गरेका छन् । कटहरी गाउँपालिकाले बाढीपीडितलाई रकम वितरण नगरेपछि स्थानीयले गाउँपालिका घेराउसमेत गरेका थिए ।