इन्डोनेसियाको लम्बक टापु केन्द्रविन्दु भएर आइतबार गएको शक्तिशाली भूकम्पमा परी ८२ जनाको मृत्यु भएको छ । ७ रेक्टर स्केलको भूकम्पमा परी सयौं घाइते भएको र हजारौं घर भत्किएको बीबीसीले जनाएको छ ।

भूकम्पपछि विद्युत आपूर्ति बन्द भएको छ भने घाइतेको शीघ्र उपचारका लागि अस्पतालहरूले सडकबाटै सेवा दिइरहेका छन् । पर्यटकीय क्षेत्र लम्बकमै गत साता ६.४ रेक्टर स्केलको भूकम्प जाँदा १६ जनाले ज्यान गुमाएका थिए ।

प्रकाशित समय : १३:२९ बजे