डा. केसी पक्ष र सरकारी वार्ता टोलीबीच भएको सात बुँदे सहमतिको पाँच बुँदामा मात्र अनसनरत डा. गोविन्द केसीले सहमति जनाएका छन् । बाँकी दुर्इ बुँदामा केसीले असहमति जनाएपछि सात बुँदे ड्राफ्ट बोकेर थप छलफलका लागि दुवै पक्ष प्रधानमन्त्री निवास बालुवाटारतिर लागेका छन् ।

सहमतिपत्रमा काठमाडाैंमा १० वर्षसम्म मेडिकल कलेज खोल्न नहुने विषय उल्लेख गर्न डा. केसीले माग गरेका छन् ।

सिंहदरबारस्थित शिक्षा मन्त्रालयमा केसी पक्ष र सरकारी वार्ता टोलीबीच सात बुँदे सहमति भएको थियो । चिकित्सा शिक्षामा सुधारको मागसहित २७ दिनेदेखि आमरण अनसनमा बसेका डा. केसीको स्वास्थ्य गम्भीर बन्दै गएपछि तीन दिनदेखि गहन छलफलमा जुटेका केसी पक्ष र सरकारी टोलीबीच सो सहमति बनेको हो ।

सहमतिपत्रको ड्राफ्टसहित नेकपा नेता सुवास नेम्बाङसहितको वार्ता टोली अनसनस्थल त्रिवि शिक्षण अस्पताल पुगेको थियो । तर, डा. केसीले दुर्इ बुँदामा असहमति जनाएपछि दुवै पक्ष थप छलफलका लागि बालुवाटारतर्फ लागेका हुन् ।

प्रकाशित समय : २३:२९ बजे