पोखरा महानगरपालिका १७ स्थित छोरेपाटन माध्यामिक विद्यालयमा कक्षा १० मा अध्ययनरत १७ बर्षिया सुस्मिता लामिछाने मृत अवस्थामा फेला परेकी छन् । फेवातालमा डुबेको अवस्थामा उनको शव भेटिएको कास्की प्रहरीले जनाएको छ ।

पोखरा महानगरपालिका २२ कोदीमा स्थायी घर भएकी लामिछाने आइतबार घरबाट करिब ५ बजे तिर निस्केकी थिइन् । राति अबेरसम्म घर नआएपछि उनका आफन्तसहित प्रहरीले उनको खोजी गरिरहेका थिए ।

सोमबार ड्यामसाईडस्थित फेवाताल किनारको पार्कमा उनको झोला र मोवाईल भेटिएलगत्तै त्यहिँ छेउाको उनको शव फेला परेको कास्कीका प्रहरी प्रवक्ता प्रहरी नायव उपरीक्षक रविन्द्रमान गुरुङले बताए । ‘थानीबासीले पार्कनजिकै झोला देखेर प्रहरीलाई खबर गरे,’ प्रनाउ गुरुङले भने, ‘झोलामा भएको मोबाईलबाटै मृतकका आफन्तलाई सम्पर्क गरी तालमा खोजी कार्य गर्दा झोला भएको स्थानभन्दा करिब १० मिटर दुरीमा शव भेटिएको र शव पोष्टमाटमको लागि पोखरा स्वास्थ्य विज्ञान प्रतिष्ठानमा लगिएको छ ।’

घटनाबारे थप अनुसन्धान भइरहेको डिएसपी गुरुङले बताए । आफ्नी नातिनी के कारणले गर्दा घर छाडेर हिँडिन त्यसबारे आफूहरु अनभिज्ञ भएको सुस्मिताका हजुर बुबा हिमाल लामिछानेले बताए । यसअघि केही दिनअघि एक छात्राको पनि फेवातालमा शव भेटिएको थियो ।

प्रकाशित समय : १७:३० बजे