इन्द्रजात्राको मुख्य दिन सोमबार राष्ट्रपति विद्यादेवी भण्डारीले इन्द्रजात्राको अवलोकन गरेकी छन् । सोमबार साँझ हनुमान ढोकाको गद्दि बैठक पुगेर राष्ट्रपति भण्डारीले इन्द्रजात्रा अवलोकन गरेकी हुन् । त्यसअघि राष्ट्रपति भण्डारीले वर्षा र सहकालका देवता इन्द्रको पूजापाठ गरेकी थिइन् ।

शुक्रबारदेखि सुरु इन्द्रजात्रा काठमाडौं उपत्यकाको सबैभन्दा ठूलो पर्व पनि मानिन्छ । सोही जात्राको मुख्य दिन सोमबार भण्डारीले अवलोकन गरेकी हुन् । सोमबारै कुमारी घरबाट काठमाडौंको तल्लो टोलमा कुमारी, गणेश र भैरवको रथयात्रा पनि गरिएको छ ।
भक्तपुरको चित्तपोलबाट ल्याइएको ३६ हात लामो लिंगो बसन्तपुरस्थित हनुमानढोकामा ठड्याएपछि इन्द्रजात्राको सुरुवात हुन्छ । त्यस्तै कार्यवाहक प्रधानमन्त्री इश्वर पोखरेल, मन्त्रीहरु, संवैधानिक अंगका प्रमुख पनि इन्द्रजात्रा समारोहमा सहभागी भए ।

तस्बिर : सुनिल प्रधान

प्रकाशित समय : ०१:०७ बजे