आज विश्व निमोनिया दिवस, बालबालिकाको मृत्युको प्रमुख कारणमध्ये एक निमोनिया
संविधान दिवस मनाउन प्रधानमन्त्रीको अध्यक्षतामा समिति गठन
वि.सं.२०७५ भदौ १८ सोमवार १५:४८
11.91K
shares
shares
‘नेपालको संविधान’ जारी भएको मिति असोज ३ मा सरकारले संविधान दिवस भव्यताका साथ मनाउने तयारी गरेको छ । संविधान दिवसलाई भव्यताका साथ मनाउन प्रधानमन्त्री केपी ओलीको अध्यक्षतामा मूल समारोह समिति निर्माण गरिएको छ ।
मूल समारोह समितिका अध्यक्षसमेत रहेका प्रधानमन्त्री ओलीले संविधान दिवसलाई जनताको दिवसका बनाउनुपर्ने बताएका छन् । जनताको ठूलो बलिदानबाट यो संविधान प्राप्त भएको उल्लेख गर्दै प्रधानमन्त्री ओलीले संविधान दिवसलाई जनताको दिवसको रुपमा मनाउनुपर्ने आवश्यकता औंल्याए ।
आइतबार गृह मन्त्रालयमा आयोजित संविधान दिवस मूल समारोह समितिको बैठकलाई सम्बोधन गर्ने क्रममा उनले संविधान दिवस भव्यताका साथ मनाउनुपर्ने बताए । त्यसका लागि सबै स्थानीय तहहरुलाई सचेत गराए ।
संविधान दिवसको अवसर पारेर संविधानको महत्व झल्काउने गतिविधि अघि बढाउन सम्बन्धित निकायलाई प्रधानमन्त्रीले निर्देशन दिएका छन् ।
