सरकारले कञ्चनपुरका तत्कालिन प्रहरी उपरीक्षक (एसपी) डिल्लीराज बिष्ट निलम्बन गरेको छ । गृह मन्त्रालयले एसपी बिष्टलाई निर्मला पन्त हत्याकाण्डको अनुसन्धान अवधिभरका लागि निलम्बित गरेको हो ।

कञ्चनपुरका तत्कालिन एसपी बिष्टलाई घटनाले उग्ररुप लिँदै गएपछि प्रहरी प्रधान कार्यालय तानेको थियो । शनिबार गृहमन्त्रालयमा गृहमन्त्री रामबहादुर थापा ‘बादल’सहित तीनवटै सुरक्षा निकायका प्रमुखहरुको बैठकले विष्टलाई अनुसन्धान अवधिभरका लागि निलम्बन गर्ने निर्णय गरेको हो ।

कञ्चनपुरकि १३ वर्षिया बालिका निर्मला पन्तको बलात्कार तथा हत्या घटनाको अनुसन्धानमा गम्भीर गल्ति गरेको भन्दै गृह मन्त्रालयले बिष्टलाई निलम्बन गर्न निर्णय गरेको हो । स्थानीयको माग अनुसार घटना छानबिन अवधिभरका लागि निलम्बन गर्ने निर्णय भएको वताईएको छ ।

यसअघि उनलार्इ कञ्चनपुरबाट काठमाण्डौ तानिएको थियो । साथै मन्त्रालयले डिएसपी ज्ञानबहादुर सेठी र इन्सपेक्टर एकेन्द्र खड्कालाई मुख्यालय तान्ने निर्णय पनि भएको छ । स्थानियहरुले निर्मलाको बलात्कार तथा हत्यामा उनका निकट व्यक्तिको संलग्नताको आशंका गर्दै आएका छन्। उनले मुख्य अभियुक्तलाई जोगाउने प्रयास गरेको भन्दै स्थानियहरुले लगातार आन्दोलन गर्दै आएका छन् ।

याे पनि पढ्नुहाेस् ।

कञ्चनपुर घटनामा प्रहरी र स्थानीयका छुट्टा-छुट्टै ‘अभियुक्त’, स्थानीयको आरोप ‘शंकास्पद व्यक्ति’द्वारा घटनाको छानविन !

एसपीका छोरा र मेयरका भतिजमाथि छानविन किन नगर्ने ?