काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

पाटेबाघ मृत फेला

20.27K
shares

बर्दिया राष्ट्रिय निकुञ्जमा एक पाटेबाघ मृत अवस्थामा फेला परेको छ ।

पूर्व–पश्चिम महेन्द्र राजमार्गको निकुञ्ज क्षेत्रभित्र पर्ने चिसापानी पोष्ट नजिक बुधबार दिउँसो पाटेबाघ मृत अवस्थामा फेला परेको निकुञ्जका सहायक संरक्षण अधिकृत बद्रीविनोद दाहालले जानकारी दिएका छन् ।

निकुञ्जभित्र महेन्द्र राजमार्ग किनारमा सिनोको गन्ध आएपछि खोजी गर्दै जाँदा राजमार्गदेखि झण्डै ७ सय मिटरभित्र भाले पाटेबाघ मृत अवस्थामा फेला परेको निकुञ्जका सहायक संरक्षण अधिकृत दाहालले बताए ।

अन्दाजी १७ वर्षको उक्त बाघको शव परीक्षण गर्दा बुढो भएर कालगतिले मरेको बताइएको छ । बाघको शरीर पूर्णरुपमा सडिसकेकाले एकहप्ता अघि नै मरेको हुनसक्ने निुकञ्जले जनाएको छ ।
बर्दिया राष्ट्रिय निकुञ्जमा ८७ वटा बयस्क पाटेबाघ रहेको तथ्यांक छ । (रासस)