बैंक अफ काठमाण्डूका ग्राहकले ‘खल्ती’ डिजिटल वालेटमा बैंक खाता लिंक गर्दा सय रूपैयाँ बोनस पाउने भएका छन् । ग्राहकले बैंकको खाता मोबाइल नम्बरबाट पहिलो पटक लिंक गर्नासाथ तुरुन्तै सय रुपैयाँ नगद खातामा प्राप्त गर्नेछन् ।

खातामा लिंक गर्दा एकपटक मात्र बोनस सुविधा पाइनेछ । बैंकमा खाता लिंक गर्न ग्राहकले मोबाइल बैंकिङ सुविधा लिएको हुनुपर्छ । बैंक अफ काठमाण्डूमा रहेको खाता जोडेपछि खल्ती वालेटमार्फत वस्तु तथा सेवा खरिद गर्दा सिधै बैंक खाताबाट नगद भुक्तानी गर्न सकिन्छ । ग्राहकले खल्ती डिजिटल वालेटमा नगद लोड गर्ने झन्झट गरिरहनु नपर्ने बैँकले जनाएको छ ।

प्रकाशित समय : १३:५० बजे