काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

ओम बैंकलार्इ गाभ्न प्राइम बैंकलार्इ सैद्धान्तिक सहमति

13.31K
shares

ओम डेभलपमेन्ट बैंकलाई आफूमा गाभ्न प्राइम कमर्सियल बैंकले नेपाल राष्ट्र बैंकबाट सैद्धान्तिक स्वीकृति प्राप्त गरेको छ । भदौ ३ गते एक्विजिसनमा जाने सम्झौता गरी भदौ ४ गते राष्ट्र बैंकमा निवेदन दिएका यी दुर्इ वित्तीय संस्थाले आइतबार सैद्धान्तिक सहमति पाएका हुन् ।

राष्ट्र बैंकले ‘बैंक तथा वित्तीय संस्था सम्बन्धी ऐन २०७३’ बमोजिमका प्रावधानको अधिनमा रही एक्विजिसन प्रक्रिया सम्पन्न गर्न सैद्धान्तिक सहमति दिइएको जनाएको छ । वर्गको प्राइम कमर्सियल बैंक ‘क’ र ओम डेभलपमेन्ट बैंक ‘ख’ वर्गको वित्तीय संस्था हो ।

दुई बैंक मर्ज भएपछि बन्ने बैंकको चुक्ता पूँजी करिब १० अर्ब पुग्नेछ । बैंकको स्वाप रेसियो भने तय भएको छैन । दुई बैंक एक भएपछि बैंकको निक्षेप एक खर्ब र कर्जा ८९ अर्बभन्दा बढी हुनेछ । बैंकका शाखा सञ्जाल ११६ वटा हुनेछन् ।

दुबै बैंकले गत वर्षको लाभांश वितरणको प्रस्ताव संयुक्त रुपमा गर्ने र एक्विजिसन प्रक्रिया पूरा गरी वित्तीय कारोबार थाल्ने भएका छन् ।

यसअघि, प्राइम बैंकले विराटनगरको विराटलक्ष्मी विकास बैंक र कन्ट्री डेभलपमेन्ट बैंकलाई आफूमा गाभेको थियो भने सिटी डेभलपमेन्ट बैंक र ओम फाइनान्स मिलेर बनेको ओम डेभलपमेन्ट बैंकले मनास्लु डेभलपमेन्ट बैंकलाई किनेको थियो ।