ताप्लेजुङको सिरिजंघा गाउँपालिका–५ पेदाङमा बाटो बनाउँदै गरेको जेसीबीलाई पहिरोले पुर्दा चालकको ज्यान गएको छ ।

जेसीबी अपरेटर सिन्धुलीका २० वर्षीय वीरबहादुर तामाङको मृत्यु भएको हो । सडक बनाउने क्रममा माथिबाट झरेको पहिरोले चालक सहित मेसिन पुरिएको प्रहरीले जनाएको छ । घटना आइतबार बिहानको हो । जेसीबीसँगै पुरिएका चालक तामाङलाई निकाल्न अर्को स्काभेटर लगिएको थियो । सहचालकले भने भागेर ज्यान बचाएका छन् ।

प्रकाशित समय : ००:३९ बजे