कम्पनीका कर्मचारीसँग प्रेम गरेको भन्दैआरोपमा फास्टफुड क्षेत्रमा स्थापित अमेरिकी कम्पनी म्याकडोनाल्डले प्रमुख कार्यकारी अधिकृत (सिइओ) बर्खास्त गरेको छ । कम्पनीकी एक कर्मचारीसँग प्रेम सम्बन्ध राखेपछि म्याकडोनाल्सले सिइओ स्टिभ इस्टरब्रुकलाई पदबाट हटाएको हो ।

स्टिभ र ती कर्मचारीबीच सहमतिको सम्बन्ध रहे पनि कम्पनीको नीतिविपरीत भन्दै म्याकडोनल्स उनलाई बर्खास्त गरेको हो । सहकर्मीलाई पठाएको एक इमेलमा स्टिभले ती कर्मचारीसँग सम्बन्ध रहेको स्वीकार गरेका छन् ।

उनले आफू बोर्डको निर्णयमा सहमत रहेको र कम्पनीको मूल्यलाई सम्मान गर्ने बताएका छन् । ५२ वर्षीयका स्टिभ एकल थिए । उनले सन् १९९३ मा म्यानेजरका रुपमा लन्डन कार्यालयबाट म्याकडोनल्समा काम थालेका थिए । त्यसपछि उनी बढुवा हुँदै कम्पनीको सिइओसम्म भएका हुन् । उनको ठाउँमा अब क्रिस केम्पजिन्स्की सिइओ हुनेछन् । (एजेन्सी)

प्रकाशित समय : १३:१५ बजे