पूर्व मन्त्री तथा नेपाली काँग्रेसका नेता मोहम्मद अफताव आलमलाई जन्मकैदको मागदाबीसहित आज अदालतमा मुद्दा दर्ता गरिने भएको छ । जिल्ला सरकारी वकीलको कार्यालयले सोमबार दिउँसो आलमविरुद्ध जिल्ला अदालत रौतहटमा मुद्दा दर्ता गर्न लागेको हो ।

प्रहरीले उनीविरुद्ध ८ सय पेजको अनुसन्धान रिपोर्टसहित आफ्नो राय जिल्ला सरकारी वकीलको कार्यालयमा पेस गरिसकेको जनाएको छ । रिपोर्टमा तत्कालीन प्रहरी महानिरीक्षक ओमविक्रम राणालाई साक्षीका रुपमा पेश गरिएको छ ।

प्रकाशित समय : १७:०२ बजे