इटहरी। अन्तर्राष्ट्रिय होटल ब्रान्ड रामाडा बाइ विन्डह्याम इटहरीले पूर्वी नेपालको पर्यटन प्रवर्द्धनलाई प्राथमिकता दिँदै विभिन्न पर्यटकीय गन्तव्यको प्रचारप्रसार गरिरहेको छ। सन् २०२६ जनवरीदेखि सञ्चालनमा आएको होटलले आफ्ना सामाजिक सञ्जालमार्फत पूर्वी नेपालको प्राकृतिक सौन्दर्य, वन्यजन्तु, जैविक विविधता र यात्रासम्बन्धी अनुभवलाई उजागर गर्दै आएको छ।

होटलको गन्तव्य प्रवर्द्धन अभियान सञ्चालनमा आउनुअघि नै सुरु भएको थियो। होटलले आवास तथा खानपान सेवा उपलब्ध गराउनुका साथै पूर्वी नेपालका पर्यटकीय स्थलको पहिचान विस्तार गर्ने उद्देश्य राखेको जनाएको छ।

रामाडा बाइ विन्डह्याम इटहरीलाई औपचारिक रूपमा साँचो हस्तान्तरण गर्ने कार्यक्रम मार्च महिनामा सम्पन्न भएको थियो। उक्त कार्यक्रममा विन्डह्याम होटल्स एन्ड रिसोर्ट्सका युरेसिया क्षेत्रका सञ्चालन प्रमुख अनिमेश कुमारले होटलको भ्रमण गरी साँचो हस्तान्तरण गरेका थिए। कार्यक्रममा अध्यक्ष देशबन्धु बस्नेतसहित होटलको टोली सहभागी थियो।

होटलले प्रवर्द्धन गर्दै आएका गन्तव्यहरूमध्ये कोशीटप्पु वन्यजन्तु आरक्ष प्रमुख रहेको छ। जैविक विविधता र विभिन्न प्रजातिका चराचुरुङ्गीका लागि परिचित आरक्षको महत्त्व उजागर गर्न होटलले आरक्षका संरक्षण अधिकृत भूपेन्द्र यादवसँग सहकार्य गर्दै आएको छ। यस पहलमार्फत आरक्षको पारिस्थितिक महत्त्वबारे जनचेतना बढाउनुका साथै पर्यटकलाई प्राकृतिक सम्पदाको अवलोकनका लागि आकर्षित गर्ने लक्ष्य राखिएको छ।

पूर्वी नेपालमा वन्यजन्तु तथा चरा अवलोकन, सांस्कृतिक सम्पदा र प्राकृतिक दृश्यावलोकनका विभिन्न सम्भावना छन्। होटलले यी गन्तव्यको प्रचारप्रसार गर्दै यात्रुहरूलाई प्रचलित पर्यटकीय मार्गभन्दा बाहिरका स्थानबारे जानकारी दिने र क्षेत्रीय पर्यटन प्रवर्द्धनमा योगदान पुर्‍याउने प्रयास गरिरहेको छ।

गन्तव्य प्रवर्द्धनसँगै होटलले खानपान सेवामार्फत पनि आफ्नो पहिचान विस्तार गरिरहेको जनाएको छ। होटलका रेस्टुरेन्ट तथा खानपानका सुविधाले आवासका लागि आउने पाहुनासँगै स्थानीय ग्राहकलाई समेत आकर्षित गरिरहेको छ। यसले रामाडा बाइ विन्डह्याम इटहरीलाई बसोबास गर्ने स्थानका साथै खानपान र समय बिताउने गन्तव्यका रूपमा विकास गर्न सहयोग पुर्‍याएको छ।

होटल सञ्चालनमा आउनुअघि नै सुरु भएको गन्तव्य प्रवर्द्धन अभियानलाई निरन्तरता दिँदै रामाडा बाइ विन्डह्याम इटहरीले पूर्वी नेपालको पर्यटन तथा आतिथ्य क्षेत्रको विकासमा भूमिका खेल्ने लक्ष्य राखेको छ। सञ्चारमाध्यम तथा सामाजिक सञ्जालमार्फत पर्यटकीय स्थलको प्रचार, स्थानीय तहमा सहकार्य र खानपानका अनुभवलाई जोड दिँदै होटलले पूर्वी नेपाललाई थप आकर्षक पर्यटन गन्तव्यका रूपमा चिनाउने प्रयास गरिरहेको छ।

होटलका लागि यो पहल आफ्नै व्यवसायको प्रवर्द्धनमा मात्र सीमित नभई पूर्वी नेपालका सम्भावनालाई उजागर गर्ने र पर्यटकलाई यस क्षेत्रको भ्रमण गर्न प्रेरित गर्ने अभियानका रूपमा अघि बढाइएको छ।