काठमाडौं । नेपाली कांग्रेसको १५औँ महाधिवेशनअन्तर्गत आज केन्द्रीय कार्यसमितिका विभिन्न पदका लागि निर्वाचन हुँदैछ । विधान, निर्वाचन निर्देशिका–२०८३ तथा बन्दसत्रबाट स्वीकृत व्यवस्थाअनुसार केन्द्रीय कार्यसमितिका पदमा निर्वाचन हुन लागेको हो ।

कांग्रेसको नयाँ व्यवस्थाअनुसार सभापतिदेखि विभिन्न समावेशी समूह र युवा प्रतिनिधित्वसम्मका पदमा निर्वाचन हुनेछ । केही पद भने निर्वाचित केन्द्रीय सदस्यमध्येबाट सभापतिले मनोनयन गर्ने व्यवस्था गरिएको छ ।

कुन पदमा कति जना ?

१. सभापति — १ जना

२. वरिष्ठ उपसभापति — १ जना

३. उपसभापति — ४ जना
एक महिला र एक समावेशीसहित ४ जना निर्वाचित हुनेछन् ।

४. महामन्त्री — ३ जना
एक महिला अनिवार्य गरिएको छ ।

५. सहमहामन्त्री — ११ जना
खुलातर्फ २, महिलातर्फ १ तथा आदिवासी जनजाति, दलित, मधेसी, खसआर्य, थारू, मुस्लिम, पिछडिएको क्षेत्र र अल्पसंख्यक/अपाङ्गता भएका व्यक्तिबाट एक–एक जना निर्वाचित हुनेछन् ।

६. सभापतिबाट मनोनित — ५ जना
केन्द्रीय सदस्यहरूमध्येबाट एक महिलासहित ४ सहमहामन्त्री र १ कोषाध्यक्ष मनोनित हुनेछन् ।

७. प्रवक्ता — १ जना
सभापतिले केन्द्रीय सदस्यहरूमध्येबाट प्रवक्ता मनोनयन गर्नेछन् । आवश्यकताअनुसार विषयगत सहप्रवक्ता पनि तोक्न सकिनेछ ।

केन्द्रीय सदस्यतर्फ

• खुला — ४५ जना
• महिला — १५ जना
• प्रदेशबाट — २८ जना
  सातै प्रदेशबाट एक महिलासहित ४–४ जना ।
• काठमाडौं उपत्यका — २ जना
  एक महिला अनिवार्य ।
• दलित — १४ जना
• आदिवासी जनजाति — २० जना
• खसआर्य — १८ जना
• मधेसी — १३ जना
• थारू — ६ जना
• मुस्लिम — ५ जना
• पिछडिएको क्षेत्र — २ जना
• अल्पसंख्यक — १ जना
• अपाङ्गता भएका व्यक्ति — १ जना
• श्रमिक — ३ जना
• पेशागत क्षेत्र — ७ जना
• युवा — २१ जना
• नेपाली जनसम्पर्क समिति — ७ जना
• प्रजातन्त्र सेनानी, शहीद परिवार तथा द्वन्द्व प्रभावित परिवार — ३ जना

यसका अतिरिक्त सभापतिले ६६ जना केन्द्रीय सदस्य मनोनित गर्ने व्यवस्था गरिएको छ ।

त्यस्तै प्रतिनिधिसभा संसदीय दलका नेता र प्रदेश कार्यसमितिका सभापति केन्द्रीय कार्यसमितिका पदेन सदस्य रहने व्यवस्था गरिएको छ ।

प्रतिनिधित्वमा विशेष जोड

कांग्रेसको नयाँ संरचनामा महिला, युवा, दलित, आदिवासी जनजाति, मधेसी, थारू, मुस्लिम, खसआर्यलगायत विभिन्न समुदाय तथा समूहको प्रतिनिधित्व सुनिश्चित गर्ने व्यवस्था गरिएको छ । यसपटक सातै प्रदेशबाट २१ जना ३५ वर्षमुनिका युवा केन्द्रीय सदस्य बन्नेछन् ।

यसरी कांग्रेसको १५औँ महाधिवेशनबाट सभापतिदेखि विभिन्न समावेशी समूह हुँदै युवा प्रतिनिधित्वसम्मको नयाँ केन्द्रीय संरचना चयन हुँदैछ ।