अमेरिकी राष्ट्रपति डोनाल्ड ट्रम्पले आइतबार युक्रेनी राष्ट्रपति भोलोदिमिर जेलेन्स्कीलाई रुसमा डिजेल इन्धनका ‘रिफाइनरी’माथि आक्रमण रोक्न चेतावनी दिएको बताएको छन्।

उहाँले यस कार्यले अभाव सिर्जना गरेको छ र रूसबाहेकका अन्य देशहरूलाई ‘क्षति’ पु¥याइरहेको छ ।

“राष्ट्रपति जेलेन्स्कीले एउटा कुरा गर्नुपर्छ,” ट्रम्पले आयरल्यान्ड भ्रमणका क्रममा पत्रकारहरूसँग भन्े, “उनले रुसमा डिजेल इन्धन नष्ट गर्न छाड्नुपर्छ।”

“उनले लक्ष्यमाथि आक्रमण गर्न सकछन्, तर डिजेल इन्धनमाथि होइन, किनकि उनले डिजेलको अभाव सिर्जना गरिरहेको छन्। यो मध्यपूर्वले गरेको होइन, यो रुस र युक्रेनबीच भइरहेको घटनाले गर्दा हो।”

ट्रम्पले थपे, “युक्रेनी नेतासँग पछिल्ला महिनाहरूमा यस्ता स्थलमाथि बढेका आक्रमणबारे टेलिफोनमा कुरा भएको थियो ।”

“अरू धेरै लक्ष्य छन्। डिजेल इन्धनमाथि नहान्नू किनकि त्यसले क्षति पुर्‍ याउँछ। त्यसले विश्वलाई क्षति पु¥याउँछ। हामी उहाँलाई डिजेल इन्धनमाथि हान्न चाहन्नौँ । उहाँ डिजेल रिफाइनरीमाथि हानिराख्नुभएको छ।”

युक्रेनले रुसको सीमाबाट सयौँ किलोमिटर टाढाका धेरै रुसी तेल रिफाइनरीमाथि आक्रमण गरेको छ भने मस्कोले पनि पछिल्ला महिनाहरूमा लामो दूरीका आक्रमण तीव्र पारेको छ, जसले नागरिक मृत्युमा वृद्धि ल्याएको छ ।

किएभले रुसमा कीर्तिमानी सङ्ख्यामा ड्रोन प्रहार गरिरहेको छ भने मस्कोले सर्वकालीन धेरै मिसाइल आक्रमण गरिरहेको छ ।

आइतबार रुसी ड्रोनले किएभबाट वारसा जाँदै गरेको यात्रुबाहक रेलमा आक्रमण गरेको थियो तर घटनामा कुनै हताहत भएको छैन । वारसा र किएभ दुवैले यसको पुष्टि गरेका छन् ।

जेलेन्स्कीले पश्चिमी क्षेत्रहरूमाथि आक्रमण भएको बताएको छन्।

यी आक्रमणहरू अमेरिकाका प्रतिनिधिहरूले मस्को र किएभ दुवैमा गएर वासिङ्टनको नेतृत्वमा युरोपको दोस्रो विश्वयुद्धपछिको सबैभन्दा खराब द्वन्द्व अन्त्य गर्न वार्ता पुनर्जीवित गर्ने प्रयास गरेको केही दिनपछि भएका हुन्।

मध्यपूर्वमा द्वन्द्व फेरि तीव्र भएसँगै तेलको मूल्य बढेको छ, जसले अमेरिकी इन्धन खर्च र मुद्रास्फीति बढाएको छ।

यसले अमेरिकी मतदाता नोभेम्बरमा महत्त्वपूर्ण मध्यकालीन चुनावमा मतदान गर्न तयार हुँदै गर्दा संघीय रिजर्भले ब्याजदर बढाउन सक्ने अनुमान जन्माएको छ ।रासस

प्रकाशित समय : २१:३४ बजे